Keflavík byrjaði Bestu deild kvenna með stórsigri á KR
Keflavík hóf Íslandsmót kvenna í knattspyrnu með látum með fjögurra marka útisigri á KR í fyrstu umferð. Hin brasilíska Ana Paula Santos Silva skoraði þrjú mörk á korters kafla.
Ana Paula Santos Silva stimplaði sig heldur betur inn í Bestu deildina með glæsilegri þrennu (35', 36' og 47') þegar Keflvíkingar unnu stórsigur á KR á heimavelli þeirra síðarnefndu í gær. Eftir frekar jafnan hálftíma leik brustu varnir KR-inga og Silva skoraði tvívegis á innan við tveimur mínútum. Keflvíkingar tóku öll völd eftir að hafa komist yfir og sýndu góðan sóknarleik.
