Minna rusl á plokkdegi

Talsvert af drasli var plokkað á plokkdaginn mikla síðasta laugardag á Suðurnesjum. Plokkað var í öllum sveitarfélögum og þátttaka misjöfn.

Tómas Knútsson var við störf í Suðurnesjabæ og sagði að kerran hafi verið fyllt og líklega um 300 kg. verið plokkuð. „Það er minna rusl en áður sýnist mér,“ sagði herforinginn knái.

Meðfylgjandi myndir voru teknar í Suðurnesjabæ og í Reykjanesbæ.