Fjölmenni við tendrun jólatrés í Aðventugarðinum
Jólaljósin á jólatré Aðventugarðsins í Reykjanesbæ voru tendruð á fimmtudag að viðstöddum miklum fjölda gesta sem tóku þátt í Aðventuljósagöngu með Bjúgnakræki og Grýlu gömlu.
Sama kvöld buðu verslanir í Betri bæ upp á Kósýkvöld og var opið fram á kvöld.
Opið verður í garðinum allar helgar til jóla frá kl. 14-17 og á Þorláksmessu kl. 18-21. Það er ýmislegt í boði, eins og Aðventusvellið þar sem hægt er að skella sér á skauta og þá eru nokkrir kofar í garðinum sem bjóða upp á ýmislegt. Allar upplýsingar um dagskrá er að finna hér!
Ljósmyndari VF var í Aðventugarðinum og smellti af nokkrum myndum sem sjá má í myndasafni hér að neðan.
Kveikt á jólatré í Aðventugarðinum í Reykjanesbæ
