Margir mættu á fjörugan föstudag í Grindavík

Það var góð stemmning og góð mæting á fjörugum föstudegi í Grindavík þar sem fjöldi fyrirtækja bauð í heimsókn. Margir Grindvíkingar mættu og áttu góða stund við Hafnargötuna.

Vísisfólk tók lagið í einu af húsum félagsins og buðu í veitinga og kollegar þess í Ganta og Grindavík Seafood buðu í búbblur en gestir gengu að fínum veitingum víða í fyrirtækjum.

Fjölskyldudagskrá var í Kvikunni og hljómsveitin RIP lék þar síðar um kvöldið. Ingó veðurguð lék á Papas og í íþróttahúsinu var stórleikur Grindavíkur og Keflavíkur í Bónus deild kvenna í körfubolta.

Víkurfréttamenn litu við í stutta stund og tóku nokkrar myndir sem sjá má hér og viðtöl sem birtast síðar.