Spjallað við náungann í Suðurnesjamagasíni vikunnar

„Hvetjum alla til að setjast á bekkinn, spjalla við náungann og taka sjálfu,“ segir formaður Kvenfélags Grindavíkur, Sólveig Ólafsdóttir, en kvenfélagið afhenti Grindavíkurbæ spjallbekk í tilefni af viku einmanaleikans sem var í október.

Afhendingin fór fram í Kvikunni, menningarmiðstöð Grindvíkinga og voru fjölmargir Grindvíkingar mættir til að hlýða á erindin sem voru flutt á viðburðinum.

Í Suðurnesjamagasíni í þessari viku er spjallbekknum gerð skil og rætt við þrjár konur sem tengjast Grindavík hver á sinn hátt.