Íþróttir

Keflvíkingar styrkja karla- og kvennalið sín
Karl Magnússon, nýráðinn framkvæmdarstjóri knattspyrnudeildar Keflavíkur, og Dani Hatakka handsala samninginn. Myndir: Facebook-síða knattspyrnudeildar Keflavíkur
Jóhann Páll Kristbjörnsson
Jóhann Páll Kristbjörnsson skrifar
miðvikudaginn 12. janúar 2022 kl. 08:34

Keflvíkingar styrkja karla- og kvennalið sín

Undirbúningstímabilið er nýfarið af stað í knattspyrnunni og liðin eru í óðaönn að styrkja leikmannahópa sína. Keflavík, sem teflir fram liðum í efstu deild kalra og kvenna, er búið að tvo erlenda miðverði til sín.

Finnskur leikmaður í Keflavík

Keflavík hefur gert samning við finnska miðvörðinn Dani Hatakka um að leika með liðinu út tímabilið 2022.

Dani Hatakka er 27 ára gamall og kemur frá Honka FC í Finnlandi þar sem hann hefur leikið rúmlega 70 leiki. Hatakka hefur einnig verið á mála hjá Brann í Noregi og fleiri liðum í Finnlandi. 

Til mikils er vænst af Finnanum  segir á Facebook-síðu knattspyrnudeildarinnar en hann hefur þegar hefur hafið æfingar með liðinu.


Caroline Van Slambrouck hefur gert tveggja ára samning við Keflavík.

Fetar í fótspor Natasha Anasi

Caroline Van Slambrouck hefur skrifað undir samning við Keflavík og mun leika með liðinu út knattspyrnutímabilið 2023.

Caroline kemur frá Santa Teresa á Spáni en lék með Benfica áður. Hún lék einnig með ÍBV hér á landi áður, frá 2017 til 2019, þegar hún kom til ÍBV þegar Natasha fór frá ÍBV til Keflavíkur. Nú fetar hún í fótspor Anasi í annað sinn og kemur í hennar stað til Keflavíkur eftir að Natasha gekk til liðs við Breiðablik. 

Caroline spilar í stöðu miðvarðar og er vænst til mikils af henni á vellinum í efstu deild í sumar

Tengdar fréttir