Ísak Óli kallaður til Danmerkur

Ísak Óli Ólafsson kveður Keflavík en hann hefur verið á láni frá danska úrvalsdeildarliðinu SønderjyskE sem keypti Ísak árið 2019 frá Keflavík.

Upphaflega átti lánssamningurinn að gilda út ágúst en nú hefur danska liðið Esbjerg keypt hann og hann fer í dag út og gengst undir læknisskoðun hjá Esbjerg á sunnudag.

Þetta tilkynnti knattspyrnudeild Keflavíkur á Facebook-síðu sinni í morgun en þar segir m.a.:

„Það var virkilega ánægjulegt að sjá Ísak aftur í Keflavíkurtreyjunni og hann er að sjálfsögðu alltaf velkominn aftur. Núna vonum við að okkar maður springi út og sýni sínar allra bestu hliðar í Danaveldi!