Grindavík getur náð toppsæti 2. deildar kvenna
Í gær tók Grindavík á móti Hamar frá Hveragerði í 2. deild kvenna. Grindavík, sem er í öðru sæti deildarinnar, hafði 3:0 sigur og er nú fimm stigum frá toppliði HK. Grindavíkurstelpurnar hafa leikið tveimur leikjum færra en HK og geta því komist í efsta sæti deildarinnar sigri þær báða leikina.
Birgitta Hallgrímsdóttir skoraði tvö fyrstu mörk Grindvíkinga (44' og 48').
Það var svo Unnur Stefánsdóttir sem innsiglaði sigurinn með marki á 78. mínútu.
Hilmar Bragi Bárðarson, ljósmyndari Víkurfrétta, fór á völlinn og tók eftirfarandi myndir.
Grindavík - Hamar | 2. deild kvenna 2020
