FEB gefur dvalarheimilum Suðurnesja fimm hægindastóla

Félag eldri borgara á Suðurnesjum gefur dvalarheimilum Suðurnesja fimm hægindastóla. Þá munu þrír þeirra koma til með að vera í dagdvölinni á Nesvöllum, einn í Víðihlíð í Grindavík og einn á Garðvangi í Suðurnesjabæ.

Þau Guðrún Eyjólfsdóttir og Jón Ólafur Jónsson, formaður og varaformaður félagsins afhentu þeim Ásu Eyjólfsdóttur, forstöðumanni öldrunar og stuðningsþjónustu hjá Reykjanesbæ og Kristínu Finnsdóttur, deildarstjóra dagdvalar, hægindastólana fyrr í vikunni. „Þetta er virkilega kærkomin gjöf og kemur til með að nýtast dagdvalar gestum mjög vel,“ segir Ása.