Flott stemmning í brekkusöng - myndasafn

Hundruð gesta mættu saman og skemmtu sér konunglega í kvöld þegar slegið var upp brekkusöng í Njarðvík. Dagskráin fór fram á milli klukkan 20:00 og 21:00 í brekkunni við Kambinn, þar sem gott veður og létt yfirbragð léku við viðstadda.

Trúbadorinn Guðlaugur Ómar leiddi sönginn af sinni alkunnu snilld, vopnaður gítarnum. Hann fékk alla til að taka undir í þekktum dægurlögum og hitaði raddbönd viðstaddra í kvöldhúminu. Fjölskyldur og vinahópar komu sér vel fyrir í brekkunni, margir með teppi og útivistarsessur, og nutu samverunnar í frábæru söngviðri.

Brekkusöngur við Kamb // Ljósanótt 2026