Árgangagangan mætir á Hafnargötuna

Árgangagangan, einn ástsælasti hápunktur Ljósanætur, verður á sínum stað laugardaginn 5. september.

Í ár færist mætingarstaður hvers árgangs niður um 20 húsnúmer við Hafnargötu (til dæmis mæta þeir sem fæddir eru 1950 við Hafnargötu 30), en árgangur 2001 og yngri hittist við 88-húsið.

Gangan hefst klukkan 13:30 og endar við aðalsviðið þar sem Vilhjálmur Árnason bæjarstjóri flytur íbúum kveðju sína, auk þess sem listflugmaðurinn Snorri Bjarnvin Jónsson sýnir listir sínar á lofti yfir svæðinu.