Stórleikir í knattspyrnunni á morgun
Mikið verður um að vera hjá knattspyrnuliðum Suðurnesja um helgina og gætu línur skýrst út varðandi framhaldið. Á engan er hallað þótt stórleikurinn sé „el classico“ á HS Orku vellinum í Keflavík á milli grannanna í Keflavík og Njarðvík. Í 2. deild er Þróttur og Víðir að berjast á sitthvorum endanum og Reynir úr Sandgerði er líka að keppa.
Lengjudeild karla
Keflavík - Njarðvík á HS Orku vellinum í Keflavík kl. 16:00
Leikurinn er báðum liðum mjög mikilvægur, Njarðvík í baráttu um að vinna deildina, Keflavík í baráttu um að komast á meðal fimm efstu en þeir eru í sjötta sæti.
Grindavík - ÍR í Grindavík kl. 16:00.
Grindvíkingar í fallbaráttu þó þeir séu ekki í fallsæti en þeir verða að fá eitt stig hið minnsta til að halda sæti sínu í deildinni.
2. deild karla
Þróttur - Höttur/Huginn kl. 14:00
Þróttur á toppnum en einungis einu stigi ofar en Ægir og Grótta.
KFA - Víðir kl. 14:00
Víðismenn í fallbaráttu, eru í 10. sæti með 20 stig, tveimur stigum á undan Kára og þremur stigum frá Hötti/Huginn.
3. deild karla
KF - Reynir á Ólafsfjarðarvelli kl. 16:00
Reynismenn á lignum sjó.
