Grindavík/Njarðvík í deild þeirra bestu
Lið Grindavíkur/Njarðvíkur í Lengjudeild kvenna hefur tryggt sér sæti í efstu deild, Bestu deildinni, á næsta ári. Liðið vann í kvöld HK með fjórum mörkum gegn einu á JBÓ vellinum í Njarðvík.
Sophia Faith Romine skoraði tvö fyrstu mörk heimakvenna. Danai Kaldaridou bætti við því þriðja úr víti og Ása Björg Einarsdóttir gulltryggði svo sigurinn með fjórða marki Grindavíkur/Njarðvíkur á fimmtu mínútu uppbótartíma.
Í myndskeiði með fréttinni má sjá fagnaðarlætin í leikslok og viðtal við Gylfa Tryggvason þjálfara liðsins.
