Glæsimark hjá Sveindísi í þriðja sigrinum
Keflvíkingurinn Sveindís Jane Jónsdóttir heldur áfram að hrella markverði í bandarísku NWSL-deildinni í knattspyrnu. Hún skoraði glæsilegt mark í 2-1 sigri Angel City á Houston Dash í nótt.
Sveindís fékk boltann hægra megin í teignum eftir þunga sókn Angel liðsins, lagði boltann fyrir sig með hægri fæti og skaut svo bylmingsföstu skoti með vinstri fæti og boltinn endaði svo í skeytunum, geggjað jöfnunarmark sem okkar kona fagnaði vel og innilega.
Angel City hefur unnið þrjá fyrstu leikina í nýhafinni deild og Sveindís hefur skorað þrjú mörk og lagt upp tvö. Þá var hún valin maður leiksins.
Sveindís Jónsdóttir earns tonight’s #LAvHOU Player of the Match after scoring the match equalizer. This marks her third goal in two games!
Player of the Match | @onceuponafarm pic.twitter.com/p5NXtt3Vj3
