Sandgerðishöfn með hærri tekjur en áætlað

Rekstur Sandgerðishafnar gengur vel á þessu ári og hafa tekjur verið umtalsvert meiri en áætlanir gerðu ráð fyrir. Þetta kom fram á fundi hafnaráðs Suðurnesjabæjar þar sem farið var yfir rekstur og starfsemi hafnarinnar fyrstu sjö mánuði ársins. Þrátt fyrir góða afkomu hefur viðhaldskostnaður farið fram úr áætlun, einkum vegna tjóns sem hlaust af óveðri í mars. Óvissa ríkir enn um hvort og að hvaða marki Náttúruhamfaratrygging Íslands muni bæta þau tjón.

Innsiglingarbúnaður og olíutankar

Á fundinum var fjallað um ýmis verkefni sem unnið er að, þar á meðal viðhald og yfirferð á innsiglingarbúnaði hafnarinnar. Þá voru ræddar hugmyndir um að færa olíutanka olíufélaganna af Suðurgarði.

Öryggismál og vitabúnaður

Minnispunktar yfirhafnarvarðar um öryggis- og vitamál voru teknir til umfjöllunar. Liggi fyrir að endurnýja þarf vitabúnað í Sandgerðisvita og verður verkefnið unnið í samstarfi við Hafnabótasjóð sem sótt verður til um styrk.

Starfsmannamál og skipulag

Rætt var um framtíðarmönnun hafnarinnar og skipulag starfseminnar. Unnið er að mótun nýs starfaskipulags til að styrkja rekstur og þjónustu hafnarinnar.

Framkvæmdir við Suðurgarð

Hafnaráð fékk jafnframt upplýsingar um fyrirhugaðar framkvæmdir í Suðurgarði. Samkvæmt Vegagerðinni er gert ráð fyrir að útboð vegna endurbóta verði auglýst á allra næstu vikum.