Viðskipti

Mikilvægt að hafa gott starfsfólk og trygga viðskiptavini
F.v. Benedikt Ingi Sigurðsson, Brynjólfur Guðmundsson og Skúli Ágústsson frá Verkfræðistofu Suðurnesja.
Páll Ketilsson
Páll Ketilsson skrifar
föstudaginn 29. október 2021 kl. 08:05

Mikilvægt að hafa gott starfsfólk og trygga viðskiptavini

– segir Brynjólfur Guðmundsson, framkvæmdastjóri Verkfræðistofu Suðurnesja en hún hefur verið „Framúrskarandi fyrirtæki“ frá upphafi„Maður þarf að vera hógvær í rekstri og passasamur en mestu skiptir auðvitað að hafa gott starfsfólk og trygga viðskiptavini. Þannig náum við góðum árangri,“ segir Brynjólfur Guðmundsson, framkvæmdastjóri Verkfræðistofu Suðurnesja, en fyrirtækið er eina fyrirtækið á Suðurnesjum sem hefur verið „Framúrskarandi“ frá því sá gæðastimpill var tekin upp hjá Creditinfo. Verkfræðistofan er eitt af elstu fyrirtækjum á Suðurnesjum og fagnaði fjörutíu ára afmæli á síðasta ári sem jafnframt var erfitt að sögn Brynjólfs. Starfsmenn eru átján og allt Suðurnesjamenn. „Jú, það var áskorun eftir að 
heimsfaraldur skall á þeim þunga sem hann var í fyrra. Það fækkaði aðeins hjá okkur en við erum komin í sama fjölda starfsmanna aftur og útlitið er bjart. Við fengum stórt verkefni eftir útboð í Flugstöð Leifs Eiríkssonar og þar eru sex til átta manns í fullu starfi í tvö ár.

„Maður þarf að vera hógvær í rekstri og passasamur en mestu skiptir auðvitað að hafa gott starfsfólk og trygga viðskiptavini. Þannig náum við góðum árangri,“ segir Brynjólfur Guðmundsson, framkvæmdastjóri Verkfræðistofu Suðurnesja, en fyrirtækið er eina fyrirtækið á Suðurnesjum sem hefur verið „Framúrskarandi“ frá því sá gæðastimpill var tekin upp hjá Creditinfo. 

Verkfræðistofan er eitt af elstu fyrirtækjum á Suðurnesjum og fagnaði fjörutíu ára afmæli á síðasta ári sem jafnframt var erfitt að sögn Brynjólfs. Starfsmenn eru átján og allt Suðurnesjamenn.

Vogar aðalskipulag
Vogar aðalskipulag

„Jú, það var áskorun eftir að
heimsfaraldur skall á þeim þunga sem hann var í fyrra. Það fækkaði aðeins hjá okkur en við erum komin í sama fjölda starfsmanna aftur og útlitið er bjart. Við fengum stórt verkefni eftir útboð í Flugstöð Leifs Eiríkssonar og þar eru sex til átta manns í fullu starfi í tvö ár. Svo það segir sína sögu um mikilvægi þess að ná svona stórum verkum. Við höfum einnig unnið mikið fyrir Icelandair í gegnum tíðina og nú er það félag að sækja fram aftur með meiri þunga.  Við finnum fyrir miklum áhuga margra aðila á Suðurnesjasvæðinu og vonum að þessi mál varðandi Suðurnesjalínu 2 fari að leysast því mörg þeirra tengjast henni,“ segir Brynjólfur.

Starfsfólk Verkfræðistofu Suðurnesja á 40 ára afmælisári hennar 2020.