Fjölbreytt helgihald á Suðurnesjum um páskana

Páskahátíðin framundan er þéttskipuð viðburðum í kirkjum Þjóðkirkjunnar á Suðurnesjum. Allt frá kyrrlátum Taizémessum til hátíðarguðsþjónustna og morgunverðar, þá ættu allir að finna eitthvað við sitt hæfi í heimabyggð.

Skírdagur, 2. apríl

Hátíðarhöldin hefjast með altarisgöngumessum:

Kl. 17:00: Altarisgöngumessa í Útskálakirkju.
Kl. 20:00: Taizémessa og altarisganga í Keflavíkurkirkju.

Föstudagurinn langi, 3. apríl

Dagurinn einkennist af ígrundun og lestri Passíusálmanna:

Kl. 10:00: Hefðbundin föstuganga hefst við Íþróttamiðstöðina í Vogum og gengið að Kálfatjarnarkirkju.
Kl. 11:00: Helgistund og Passíusálmalestur í Hvalsneskirkju.
Kl. 13:00: Passíusálmarnir lesnir í Ytri-Njarðvíkurkirkju og Grindavíkurkirkju. Boðið verður upp á kaffiveitingar á báðum stöðum.
Kl. 14:00: Messa í Keflavíkurkirkju.

Páskadagur, 5. apríl

Á páskadagsmorgun er fagnað með hátíðarmessum og víða boðið upp á morgunverð í kjölfarið:

Kl. 08:00: Hátíðarguðsþjónustur í Ytri-Njarðvíkurkirkju og Útskálakirkju. Morgunverður í boði í safnaðarsölum.
Kl. 09:00: Hátíðarmessa og morgunverður í Kirkjulundi við Keflavíkurkirkju.
Kl. 10:00: Hátíðarguðsþjónusta í Kirkjuvogskirkju.
Kl. 11:00: Hátíðarmessur í Hvalsneskirkju og Grindavíkurkirkju (kaffi og meðlæti eftir messu í Grindavík).
Kl. 14:00: Hátíðarmessa og sunnudagaskóli í þjónustuhúsi Kálfatjarnarkirkju.