Alltaf gaman að hitta brottflutta Suðurnesjamenn á þessari flottu bæjarhátíð

Bjarki Sigurðsson er birgðastjóri hjá HS Orku. Hann segir sumarið hafa farið að mestu í vinnu í garðinum ásamt því að ferðast upp í sumarbústað fjölskyldunnar. Þá komu tólf hvolpar í heiminn á heimilinu í sumar og það stendur að sjálfsögðu uppúr af öllu því góða sem gerst hefur í sumar.

Hvað kom skemmtilega á óvart í sumar?

Það verður að teljast hvað það er búið að vera gott veður hjá okkur.

Áttu þér uppáhalds stað til að heimsækja innanlands?

Atlavík ótrúlega fallegur staður.

Er eitthvað sérstakt á verkefnalistanum fyrir komandi vetur?

Verkefnalistinn er aldrei tómur, en ég ætla að ferðast meira erlendis í vetur.

Hvernig finnst þér Ljósanótt?

Ljósanótt skipar stóran sess í mínu hjarta og það er alltaf gaman að hitta brottflutta Suðurnesjamenn á þessari flottu bæjarhátíð.

Hvaða viðburði ætlar þú að sækja á Ljósanótt?

Fimmtudagskvöld er alltaf skyldumæting á listasýningar.

Hver er besta minningin þín frá Ljósanótt?

Árgangagangan hjá árgangi 1972 heppnaðist frábærlega 2022.

Hefur skapast hefð í tengslum við Ljósanótt, eitthvað sem þú gerir alltaf?

Það er að horfa á bílalestina koma niður Hafnargötu og hlusta á okkar flottu söngvara á sviðinu og ljúka svo kvöldinu á flugeldasýningu.