Þróttur stóðst prófið fyrir norðan og heldur toppsætinu í 2. deild

Þróttur úr Vogum halda sínu striki í 2. deild karla í knattspyrnu og stóðust erfitt próf á útivelli í gær þegar þeir mættu Kormáki/Hvöt á Blönduósi. 0-2 sigur og Víðismenn eru áfram ósigraðir, gerðu jafntefli á heimavelli á móti KFG, 2-2. Í 3. deild tapaði Reynir á heimavelli gegn Augnabliki, 1-3.

2.deild

Kormákur/Hvöt - Þróttur 0-2

Rúnar Ingi Eysteinsson heldur áfram að gefa fyrir Vogabúa, hann kom sínum mönnum yfir á 11. mínútu, 12. mark Rúnars í sumar. Eyþór Orri Ómarsson bætti öðru markinu við í uppbótartíma, frábær innkoma hjá honum eftir að hafa komið inn á á 85. mínútu.

Þróttarar efstir með 39 stig en tvö lið eru með 38 stig, Ægir og Grótta. 

Síðustu tvær umferðir:

21. umferð:  Þróttur - Höttur/Huginn (neðsta liðið)

                    Haukar - Grótta

                    Ægir - Dalvík/Reynir

22. umferð:   Grótta - Þróttur

                    Víðir - Ægir

Víðir - KFG 2-2

Víðismenn lentu 0-2 undir en Dominic Lee Briggs minnkaði muninn í upphafi seinni hálfleiks og Valur Þór Hákonarson jafnaði á 82. mínútu og það urðu lokatölur leiksins. Víðismenn áfram í fallsæti en misstu KFG menn ekki lengra frá sér en tveimur stigum munar á liðunum, KFG með 22, Víðir 20, Kári 18 og Höttur/Huginn 17

21. umferð:   KFA - Víðir

                    Víkingur Ó - Kári

                    Þróttur - Höttur/Huginn

22. umferð:   Víðir - Ægir

                    Höttur/Huginn - Kormákur/Hvöt

                    Kári - Haukar

3. deild

Reynir - Augnablik 1-3

Reynismönnum tókst ekki að gleðja Sandgerðinga með sigri á bæjarhátíð Suðurnesjabæjar, Vitadögum.

Þeir lentu undir með sjálfsmarki í fyrri hálfleik, Augnablik jók muninn í seinni hálfleik en Jordan Smylie gaf þeim von með marki á 82. mínútu. Sandgerðingar lögðu allt í sóknina en uppskáru mark á hinum endanum í staðinn í uppbótartíma og lokatölur 1-3. Úrslitin breyta ekki öllu fyrir Reyni, þeir eru áfram í fjórða sæta 3. deildar og eiga ekki möguleika á að komast upp í 2. deild að nýju.