Sporthúsið býður Grindvíkingum að æfa frítt
Sporthúsið í Reykjanesbæ býður Grindvíkingum að nota aðstöðuna hjá sér, hvort sem þeir vilja einungis komast í sturtu eða skella sér á æfingu.
Í færslu á Facebook sendir Sporthúsið Grindvíkingum eftirfarandi kveðju:
„Kæru Grindvíkingar
Hugur okkar allra er hjá ykkur.
Sporthúsið vill leggja sitt af mörkum og bjóða ykkur öllum frían aðgang hjá okkur á meðan þetta óvissuástand varir.
Hvort sem þið viljið bara koma við og hoppa í sturtu eða skella ykkur á æfingu, þá eruð þið hjartanlega velkomin.
Þetta gildir um tækjasalina hjá okkur, opna hóptíma, auk CrossFit, BootCamp og SportHiit.
Þið mætið bara í afgreiðsluna og gefið upp kennitöluna ykkar.
Kær kveðja,
Þröstur, Ari og Eva“