Vinstri Grænir
Vinstri Grænir

Íþróttir

Már fimmti á nýju Íslandsmeti í Tókýó
Már í Tókýó í morgun. Skjámyndir af ruv.
Páll Ketilsson
Páll Ketilsson skrifar
laugardaginn 28. ágúst 2021 kl. 09:39

Már fimmti á nýju Íslandsmeti í Tókýó

Már Gunnarsson, sundmaður úr Keflavík varð í 5. sæti í 100 metra baksundi á Ólympíumóti fatlaðra í í flokki S11 blindra og sjónskertra í Tókýó í morgun.

Már setti nýtt Íslandsmet, var á þriðju brautinni og synti á 1:10:36. Hann byrjaði sundið mjög vel og var annar eftir 50 metra en gaf aðeins eftir á lokasprettinum í sundinu. Engu að síður frábær frammistaða hjá okkar manni.

Viðreisn
Viðreisn

Már synti í undanúrslitasundinu í nótt og var þá annar í sínum riðli og með þriðja besta tímann í heildina.

Þetta var önnur keppnisgreinin hjá Keflvíkingnum. Hann á tvær eftir og næsta er 200 metra fjórsund á mánudaginn. Síðasta greinin verður 100 metra flugstund á lokadegi mótsins, föstudaginn 3. september.

Már í úrslitasundinu í morgun. Mynd/JónBjörnÓlafsson-ÍF.