Leik Víðis og Dalvíkur/Reynis frestað til sunnudags

Leik Viðis og Dalvíkur/Reynis í þriðju deild karla í knattspyrnu, sem fara átti fram í dag, hefur verið frestað til morguns þar sem einn leikmanna Víðis hefur greinst með Covid-19.

Á Facebook-síðu Víðis kemur fram að allir sem tengist liðinu og leikmanninum sjálfum séu komnir í úrvinnslusóttkví og því verður leikurinn leikinn á sunnudag klukkan 16:00.