Íþróttir

Keflavík á beinu brautinni en Njarðvík greip í tómt í Vesturbænum

Igor Maric var næststigahæstur Keflvíkinga í sigri á ÍR í Bónusdeild karla. Myndir úr safni VF/JPK

Jóhann Páll Kristbjörnsson skrifar
laugardaginn 9. nóvember 2024 kl. 11:15

Keflavík á beinu brautinni en Njarðvík greip í tómt í Vesturbænum

Keflvíkingar virðast vera komnir á beinu brautina en þeir unnu ÍR örugglega í Bónusdeild karla í körfuknattleik í gær. Njarðvíkingar hikstuðu hins vegar þegar þeir töpuðu fyrir KR í Vesturbænum.

ÍR - Keflavík 79:91

(22:32, 21:27, 19:21, 17:11)

Keflvíkingar fylgdu eftir góðum sigri á KR með öruggum sigri á ÍR í gær. Keflvíkingar losuðu sig við Wendell Green í vikunni og það var ekki að sjá að þeir söknuðu hans.

Fyrirliðinn Halldór Garðar Hermannsson steig upp og leiddi liðið til sigurs en hann setti niður tuttugu stig í leiknum. Þá voru Igor Maric, Jaka Brodnik og Marek Dolezaj allir í tveggja stafa tölu.

Keflavík: Halldór Garðar Hermannsson 20, Igor Maric 14/5 fráköst, Marek Dolezaj 13/9 fráköst, Jaka Brodnik 13/6 fráköst, Sigurður Pétursson 9/8 fráköst/5 stoðsendingar, Hilmar Pétursson 8/6 fráköst, Ismael Herrero Gonzalez 7, Jarell Reischel 7/4 fráköst, Finnbogi Páll Benónýsson 0, Nikola Orelj 0, Jökull Eyfjörð Ingvarsson 0, Jakob Máni Magnússon 0.

KR - Njarðvík 86:80

(27:23, 18:25, 20:17, 21:15)

Domynikas Milka hefur farið ágætlega af stað á tímabilinu með Njarðvík, er með 17,3 stig að meðaltali í leik, 12,8 fráköst og 23,7 framlagspunkta.

Njarðvíkingar leiddu með þremur stigum í hálfleik (45:48) en heimamenn reyndust sterkari í þeim seinni.

Staðan var jöfn fyrir fjórða leikhluta (65:65) en KR-ingar náðu ellefu stiga forystu í fjórða leikhluta (81:70) og sigldu sigrinum vandræðalaust í land.

Njarðvík: Dwayne Lautier-Ogunleye 19/4 fráköst/5 stoðsendingar, Dominykas Milka 18/13 fráköst/5 stoðsendingar, Isaiah Coddon 14, Mario Matasovic 12/10 fráköst, Khalil Shabazz 9/7 stoðsendingar, Veigar Páll Alexandersson 5/4 fráköst, Brynjar Kári Gunnarsson 3/4 fráköst, Alexander Smári Hauksson 0, Sigurbergur Ísaksson 0, Snjólfur Marel Stefánsson 0, Guðmundur Aron Jóhannesson 0, Mikael Máni Möller 0.