Flugger
Flugger

Íþróttir

Guðjón Árni ráðinn afreksþjálfari hjá Njarðvík
Guðjón Árni kemur til með aða hafa yfirumsjón með afreksþjálfun hjá Njarðvík. Mynd/Facebook-síða knattspyrnudeildar Njarðvíkur
Jóhann Páll Kristbjörnsson
Jóhann Páll Kristbjörnsson skrifar
þriðjudaginn 26. september 2023 kl. 14:04

Guðjón Árni ráðinn afreksþjálfari hjá Njarðvík

Guðjón Árni Antoníusson hefur verið ráðinn afreksþjálfari hjá knattspyrnudeild Njarðvíkur þar sem hann kemur til með að hafa yfirumsjón með skipulagningu, utanumhaldi og afreksþjálfun einstaklinga í elstu flokkum félagsins.

Guðjón Árni býr yfir mikilli reynslu og þekkingu sem leikmaður og einnig sem þjálfari. Guðjón Árni er íþróttafræðingur og hefur þjálfað meistaraflokk Víðis og 2. flokk karla hjá Keflavík, verið yfirþjálfari Reynis/Víðis og styrkarþjálfari í Metabolic í Reykjanesbæ. Á sínum leikmannaferli lék hann með Víði, Keflavík og FH þar sem hann hefur bæði orðið Íslands- og bikarmeistari auk þess að eiga leik með A landsliði Íslands.

Bílakjarninn sumardekk 2024
Bílakjarninn sumardekk 2024

Með ráðningu Guðjóns Árna er stigið skref í átt að eflingu á afreksstarfi félagsins. Markmið afreksþjálfara verður að móta knattspyrnumenn framtíðarinnar. Þá er einnig hlutverk afreksþjálfara að vinna náið með öðrum þjálfurum félagsins.

Frá þessu er greint á Facebook-síðu knattspyrnudeildar Njarðvíkur í dag.