Bláa Lónið - 01apíl.
Bláa Lónið - 01apíl.

Íþróttir

GG úr leik í úrslitakeppni 4. deildar
GG sótti hart að Árborg í fyrri leik liðanna og voru óheppnir að skora ekki fleiri mörk, það kom síðar í bakið á þeim en þeir féllu úr leik á markahlutfalli. VF-myndir: JPK
Jóhann Páll Kristbjörnsson
Jóhann Páll Kristbjörnsson skrifar
mánudaginn 29. ágúst 2022 kl. 08:37

GG úr leik í úrslitakeppni 4. deildar

GG úr Grindavík lék á móti Árborg í úrslitakeppni 4. deildar karla í knattspyrnu, leikið var heima og að heiman. Fyrri leikur liðanna fór fram á Grindavíkurvelli í síðustu viku og þar höfðu heimamenn betur, 2:1. Seinni leikurinn var leikinn í gær og þá reyndust Árborg sterkari og vann leikinn 3:1, Árborg fer því áfram á fleiri mörkum skoruðum.

GG komst áfram úr riðlakeppninni eftir að hafa hafnað í öðru sæti D-riðils en hvorki RB né Hafnir komust upp úr riðlunum, RB endaði í fimmta sæti B-riðils og Hafnir í fjórða sæti C-riðils.


GG - Árborg 2:1

Mörk GG: Birkir Snær Sigurðsson (6') og Sebastian Freyr Karlsson (83').

Public deli
Public deli

Árborg - GG 3:1

Mark GG: Adam Frank Grétarsson (56').


Jóhann Páll Kristbjörnsson, ljósmyndari Víkurfrétta, var staddur á fyrri leik GG og Árborgar og tók meðfylgjandi myndir sem má sjá neðst á síðunni.

GG - Árborg (2:1) | Úrslitakeppni 4. deildar 24. ágúst 2022