Fótboltinn byrjar að rúlla í júní - nágrannslagur í Grindavík 8. júlí
– sjáið leikjaplan allra deilda og bikarkeppni.
Fótboltinn er að fara að rúlla og félögin á Suðurnesjum hafa hafið verið að undirbúa sig að undanförnu. Þau hafa verið að endurnýja og gera nýja leikmannasamninga. Keflavík og Grindavík eru með lið í næst efstu deild karla og Keflavík í kvennaflokki er einnig í næst efstu deild.
Íslandsmót karla hefst 19. júní:
Í Íslandsmótinu 1. deild fær Keflavík Aftureldingu í heimsókn í fyrstu umferð og Grindavík heimsækir Þór á Akureyri.
Í annarri umferð frá Grindvíkingar Þrótt úr Reykjavík í heimsókn en Keflvíkingar fara vestur í Ólafsvík.
Í 2. deildinni keppa þrjú Suðurnesjalið; Víðir, Njarðvík og Þróttur Vogum. Fyrsta umferð verður 19. og 20. júní.
Í fyrstu umferð fá Víðismenn Kórdrengi í heimsókn, Þróttur Vogum fer á Dalvík og mætir heimamönnum og Njarðvík tekur á móti Völsungi frá Húsavík. Það verður talsvert um ferðalög í 2. deildinni í sumar.
Reynismenn í Sandgerði leika í 3. deild og mæta KV á útivelli í fyrstu umferð 19. júní.
Mjólkurbikarkeppni karla hefst 5. júní
Þróttur Vogum tekur á móti Ægi þann 6. júní. Þann 7. júní gerir Víðir Garði sér ferð til Álftaness og leikur gegn KFB en Njarðvíkingar mæta Smára í Kópavogi, þá mæta einnig Reynismenn Létti í Breiðholtinu þennan sama dag. Keflvíkingar sitja hjá í fyrstu umferð og mæta Ísbirninum eða Birninum þann 12. júní. Að lokum munu Grindvíkingar taka á móti ÍBV laugardaginn 13. júní.
Íslandsmót og Mjólkurbikar kvenna
Íslandsmót í 1. deild kvenna hefst 18. júní en Keflavík leikur á útivelli í tveimur fyrstu umferðunum, fyrst leika Keflavíkurstúlkur gegn Völsungi á Húsavík þann 20. júní og þann 26. júní fara þær til Sauðárkróks og leika gegn Tindastóli.
Grindavíkurstúlkur féllu í fyrra og leika í 2. deild, þær heimsækja Hamrana á Akureyri í fyrstu umferð þann 21. júní.
Mjólkurbikar kvenna
Keppni í Mjólkurbikar kvenna hefst þann 7. júní. Í fyrstu umferð leika Grindavíkurstúlkur gegn Fram á útivelli og fer sá leikur fram þann 8. júní. Keflavík situr hjá í fyrstu umferð og mætir sigurvegara úr leik Aftureldingar og HK á Nettóvellinum þann 14. júní.
Smelltu hér til að sjá leikjaplan í 1. deild karla
Smelltu hér til að sjá leikjaplan í 2. deild karla
Smelltu hér til að sjá leikjaplan í 3. deild karla
Smelltu hér til að sjá leikjaplan í 1. deild kvenna
Smelltu hér til að sjá leikjaplan í 2. deild kvenna
Smelltu hér til að sjá leikjaplan Mjólkurbikars karla
Smelltu hér til að sjá leikjaplan Mjólkurbikars kvenna
FJÖLBREYTT EFNI Í NÝJUSTU VÍKURFRÉTTUM - SMELLIÐ HÉR AÐ NEÐAN