Elvar Már leikur með Telenet Giants í Belgíu á næstu leiktíð

Körfuknattleiksmaðurinn Elvar Már Friðriksson er á leiðinni til Telenet Giants í Belgíu en hann átti frábært tímabil með Siauliai í LKL-deildinni í Litháen þar sem hann var að lokum valinn besti leikmaður deildarinnar.

Telenet Giants leikur í GNXT-deildinni í Belgíu og tekur þátt í EuroCup. Liðið endaði í þriðja sæti belgísku deildarinnar á síðasta tímabili og komst í undanúrslit úrslitakeppninnar. Þar á undan vann liðið belgíska bikarmeistaratitilinn tvö ár í röð.

Elvar Már, sem er alinn upp hjá Njarðvík, hefur leikið í Svíþjóð og Frakklandi auk Litháen. Þá er hann einn af lykilmönnum íslenska landsliðsins í körfuknattleik.