Birta Dís og Óskar Marínó sigurvegarar í meistaramóti GSG
Óskar Marínó Jónsson og Birta Dís Jónsdóttir eru klúbbmeistarar Golfklúbbs Sandgerðis en meistaramóti GSG lauk um síðustu helgi.
Óskar sigraði karlaflokkin með fjórum höggum (300 högg) en næstur kom Hlynur Jóhannsson (304) og þriðji varð Davíð Jónsson (305).
Birta hafði mikla yfirburði í kvennaflokki og vann hann með yfir fjörutíu högga mun. Leiknir voru þrír hringir í meistaraflokki kvenna og lék Birta Dís þá á 250 höggum. Í öðru sæti lenti Milina Medic (294) og þriðja varð Katrín Benediktsdóttir (348).
