Reykjanesbær setur Nesvelli á sölu

Reykjanesbær hefur ákveðið að hefja söluferli á fasteigninni að Njarðarvöllum 2. Markmiðið með sölunni er að losa umtalsvert fjármagn sem sveitarfélagið hyggst nýta í aðrar brýnar framkvæmdir á svæðinu.

Fasteingin, sem hýsir hjúkrunarheimilið Nesvelli, var tekin í notkun árið 2014. Húsnæðið er sérhæft fyrir heilbrigðisþjónustu og rúmar í dag 60 hjúkrunarrými. Eignin er í langtímaleigu til íslenska ríkisins, sem tryggir stöðugt leigustreymi til framtíðar.

Engin áhrif á starfsemina

Í tilkynningu frá Reykjanesbæ er rík áhersla lögð á að einungis sé um sölu á sjálfu húsnæðinu að ræða. Engar breytingar eru fyrirhugaðar á starfsemi Nesvalla og mun hjúkrunarheimilið halda áfram rekstri sínum með óbreyttum hætti. Litið er svo á að kjörkaupandi sé aðili sem sérhæfir sig í langtíma fasteignarekstri og umsýslu opinberra bygginga.

Tilboðsfrestur fram í maí

Söluferlið er formlegt og er óskað eftir skuldbindandi tilboðum í eignina. Það eru Libra lögmenn sem hafa umsjón með sölunni og veita þeir áhugasömum fjárfestum allar nánari upplýsingar.

Frestur til að skila inn tilboðum er til klukkan 17:00 þann 18. maí næstkomandi. Reykjanesbær tekur fram að sveitarfélagið áskilji sér rétt til að taka hvaða tilboði sem er eða hafna öllum ef þau teljast ekki ásættanleg.