HSS sumarstörf 14-21 mars
HSS sumarstörf 14-21 mars

Fréttir

Ræktaði kannabis í tjaldi
Ritstjórn
Ritstjórn skrifar
þriðjudaginn 10. september 2019 kl. 09:11

Ræktaði kannabis í tjaldi

Karlmaður sem lögreglan á Suðurnesjum handtók um helgina játaði framleiðslu og vörslu fíkniefna en neitaði að hafa stundað sölu á efnum.

Í íbúð mannsins sem lögregla gerði húsleit í að fenginni heimild fannst talsvert magn af kannabisefnum í sex krukkum. Einnig fundust kannabisefni í poka. Þá var á staðnum tjald sem búið var að setja upp fyrir kannabisræktun.

Public deli
Public deli

Maðurinn hafði í fórum sínum tugi þúsunda í íslenskum krónum og pólskum slotum og voru þeir fjármunir haldlagðir í þágu rannsóknarinnar.

Þá hafði lögregla afskipti af fáeinum einstaklingum sem voru með meint fíkniefni í fórum sínum. Um var að ræða minni háttar magn í öllum tilvikum og voru málin afgreidd með vettvangsskýrslum.