Landsins stærsti fáni á ferð um bæinn
Íslenski fáninn, sem flaggað er á þjóðhátíðardaginn í Reykjanesbæ, er sá stærsti á landinu. Skátar báru fánann frá Keflavíkurkirkju og fóru víða um götur bæjarins áður en gangan endaði í skrúðgarðinum í Keflavík, þar sem fáninn var svo dreginn að húni.
Ljósmyndari Víkurfrétta var í háloftunum yfir Keflavík og myndaði hluta af ferðalagi fánans.
Fleiri myndir frá þjóðhátíðardeginum í Reykjanesbæ eru væntanlegar á vf.is síðar í dag.