Grindavíkurvegi lokað tímabundið vegna malbikunar
Bent á hjáleiðir
Grindavíkurvegi verður lokað að hluta á fimmtudag og föstudag (9. og 10. júlí) vegna malbikunarframkvæmda við hringtorgið við Vogastapa, sunnan Reykjanesbrautar.
Lokanirnar munu standa yfir á eftirfarandi tímum:
- Fimmtudaginn 9. júlí: Kl. 12:00–16:00
- Föstudaginn 10. júlí: Kl. 9:00–16:00
Á meðan framkvæmdunum stendur verður Grindavíkurvegi lokað á kaflanum á milli Reykjanesbrautar og Bláa Lónsins.
Vegfarendum sem eiga leið til eða frá Grindavík er bent á að nota Hafnaveg/Nesveg eða Krýsuvíkurveg/Suðurstrandarveg á meðan lokanirnar eru í gildi. Ökumenn eru beðnir um að sýna aðgát og gera ráð fyrir lengri aksturstíma en vanalega.
