Áfram verði unnið við hjóla- og göngustíga

Bæjarráð Suðurnesjabæjar samþykkti með atkvæðum fulltrúa O og S lista að fela bæjarstjóra og sviðsstjóra skipulags-og umhverfissviðs, í samstarfi við Vegagerðina og Reykjanesbæ að halda áfram undirbúningi framkvæmda við göngu-og hjólastíga. Fulltrúi B lista greiðir atkvæði á móti.

Bókun frá fulltrúa B lista:

Fulltrúi B lista telur forgangsröðun hjóla- og göngustígs ranga þar sem að fulltrúi B lista telur forgangsmál að tengja sveitarfélagið við stærsta vinnustað sveitarfélagsins, Flugstöð Leifs Eiríkssonar. Það er að segja upp Sandgerðisveg og að Rósaselstorgi.