Optical studio
Optical studio

Viðskipti

Stormbón með almenn bílaþrif og bón á Ásbrú
Kristinn Arnar Sigurðsson opnaði nýverið fyrirtækið Stormbón við Grænásbraut 506 á Ásbrú. VF-mynd: Hilmar Bragi
Föstudagur 14. október 2022 kl. 09:51

Stormbón með almenn bílaþrif og bón á Ásbrú

Kristinn Arnar Sigurðsson opnaði nýverið fyrirtækið Stormbón við Grænásbraut 506 í bili nr. 107 á Ásbrú í Reykjanesbæ. Þar annast hann öll almenn þrif á bílum, allt frá þvotti og bóni og upp í mössun og lakkvörn sem heldur gljáa á bílnum í um ár og jafnvel lengur með reglulegu viðhaldi á vörninni.

Kristinn Arnar segir að mikil vinna sé lögð í bílaþrifin. Allt yfirborð og föls séu þrifin og efni borin á plast til að gera það svart og fái gljáa sem endist í nokkrar vikur. Þá séu bónefni í dag alltaf að verða betri og betri. Þau endist einnig lengur en algeng „bensínstöðvabón“.

Bílakjarninn /Nýsprautun
Bílakjarninn /Nýsprautun

Kristinn Arnar segist fyrst og fremst hafa verið að hugsa til almennings þegar hann stofnaði Stormbón, að geta boðið heimafólki upp á bílaþrif og góða þjónustu. Hann bjóðist til að sækja bíla fyrir þrif og skila þeim glansandi flottum til baka. Hann bjóði upp á að bílar séu settir í áskrift og séu þá teknir reglulega í þrif og bón og áskrifendur njóti ákveðinna kjara. Frí þrif að utan eftir fimm skipti og frí alþrif í tíunda skipti.

Einnig taki hann að sér að þrífa bíla fyrir fyrirtæki. Þannig fái hann t.a.m. núna bíla iðnaðarmanna um helgar og þrífi þá, þannig að menn hefji nýja vinnuviku á hreinum og fínum bílum.

Tímapantanir má bóka í símum 612 4847 eða 661 7589. Einnig má senda póst á [email protected]