Almyrkvanum fagnað á fjórum stöðum í Reykjanesbæ

Miðvikudaginn 12. ágúst gengur sjaldgæfur sólarmyrkvi yfir landið og af því tilefni efnir Reykjanesbær til viðburðarins Myrkvastundar. Boðið verður upp á fjölbreytta dagskrá á fjórum mismunandi stöðum í sveitarfélaginu á milli klukkan 17:00 og 18:30, þar sem saman kemur tónlist, fræðsla og skemmtun fyrir alla aldurshópa.

Fern stór myrkvagleraugu verða reist til að merkja viðburðasvæðin, en staðsetningarnar fjórar eru:

• Við Kamb í Innri-Njarðvík
• Í Skrúðgarðinum í Ytri-Njarðvík
• Í Holtunum ofan við Holtaskóla
• Við Ráðhúsið á Ásbrú

Fjölbreytt dagskrá á öllum stöðum

Á öllum svæðunum verður líf og fjör. Local íþróttafélög sjá um veitingasölu og afþreyingu, ásamt því sem plötusnúðar og listamenn sjá um tónlistina. Sævar Helgi Bragason (Stjörnu-Sævar) mun svo leiða gesti í gegnum sjálfan almyrkvann með stuttum hljóðupptökum þar sem hann miðlar fróðleik og innsýn í þetta magnaða náttúruundur.

Dagskráin á stökum stöðum er eftirfarandi:

• Innri-Njarðvík (Kambur): DJ Mellí þeytir skífum og Júlí Mjöll verður með Pop Up viðburð.
• Ytri-Njarðvík (Skrúðgarðurinn): DJ Lexi heldur uppi stemningunni og Margrét Lilja stýrir Pop Up viðburði.
• Keflavík (Holtin ofan Holtaskóla): DJ Ragga Holm mætir á svæðið og Marta Eiríks býður upp á tónlist og takt í sínum Pop Up viðburði.
• Ásbrú (Við Ráðhúsið): DJ Sóley spilar fyrir gesti og Sara Dögg verður með Pop Up viðburð.

Hvetja fólk til að skilja bílinn eftir heima

Mótshaldarar hvetja íbúa og gesti til að kynna sér staðsetningarnar og velja þann stað sem næstur er. Til að koma í veg fyrir umferðartafir eru bæjarbúar sérstaklega hvattir til að skilja bílinn eftir heima og ganga eða hjóla á viðburðina. Þá eru gestir minntir á að taka með sér teppi eða útilegustóla til að koma sér vel fyrir — og sjálfsögðu viðurkennd sólmyrkvagleraugu til að fylgjast örugglega með sjónarspilinu á himninum.