Stuðlaberg Pósthússtræti

Íþróttir

Sigrar hjá Njarðvík og Reyni
Bergþór og Hlynur skoruðu tvö mörk hvor í sigri á Víkingi Ólafsvík. Mynd af Facebook-síðu UMFN
Jóhann Páll Kristbjörnsson
Jóhann Páll Kristbjörnsson skrifar
sunnudaginn 24. janúar 2021 kl. 11:52

Sigrar hjá Njarðvík og Reyni

Njarðvíkingar unnu góðan sigur á Víkingi Ólafsvík þegar liðin mættust í Reykjaneshöllinni í gær, lokatölur 5:1. Njarðvík gerði 4:4 jafntefli við Selfoss um síðustu helgi svo það má segja að sóknarleikur liðsins komi vel undan vetri.

Mörk Njarðvíkinga gerðu þeir Bergþór Ingi Smárason (tvö mörk), Hlynur Magnússon (tvö mörk) og Tómas Óskarsson.

Barros skoraði þrjú á sjö mínútna kafla og gerði út um leikinn.

Þrenna hjá Barros

Reynismenn mættu Hvíta riddaranum í sínum fyrsta leik. Eftir að hafa lent undir í fyrri hálfleik minnti Fufura Barros heldur betur á sig þegar hann setti þrjú mörk á síðustu sjö mínútum hálfleiksins. Úrslit 3:1 fyrir Reyni.