Grindvíkingar féllu - Njarðvíkingar unnu topplið Aftureldingar

Grindvíkingar eru fallnir í 2. deild karla í knattspyrnu eftir jafntefli gegn lang neðsta liði Lengjudeildar. Njarðvíkingar eru hinum megin í deildinni og sigruðu topplið Aftureldingar í lokaumferð Lengjudeildar karla í knattspyrnu á heimavelli í dag. Lokatölur 2-1 og með sigrinum enda Njarðvíkingar í 5. sæti deildarinnar og leika gegn Þrótti í undanúrslitunum.

Heimamenn í Njarðvík voru miklu sterkari aðilinn í fyrri hálfleik og fengu mörg marktækifæri. Þeir nýtt tvö þeirra. Viktor Nói Viðarsson skoraði á 16. mínútu. Hrafn Guðmundsson tvöfaldaði forskot UMFN eftir hornspyrnu. Arnleifur sendi boltann með skalla á Omar Diouck sem framlengdi hann með höfðinu til Arnleifs sem stangaði hann í netið 2-0.

Seinni hálfleikur var tíðindaminni og gestirnir úr Aftureldinu minnkuðu muninn á 88. mínútu en þar við sat og heimamenn tóku þrjú stigin.

UMFN leikur fyrri leikinn gegn Þrótti 9. september en þann seinni 13. sept. Um útsláttarkeppni er að ræða og sigurliðin mætast í hreinum úrslitaleik um sæti í Bestu deildinni í lok september.

Það hlýtur að koma á óvart að Grindvíkingar séu á leiðinni í 2. deild. Þeir komust í 0-1 forystu gegn Ægi í leik liðanna í dag. Heiðar Snær Ragnarsson kom liðinu í forystu á 16. mínútu en þrátt fyrir færi tókst ekki að auka það forskot í fyrri hálfleik. Það var síðan eins og blaut tuska í andlit Grindvíkinga að fá á sig mark á 62. mínútu. Þeim tókst ekki að bæta við marki og jafntefli dugði ekki því Völsungur sem var með stigi minna í næst neðsta sæti vann sinn leik og Grindvíkingar sátu eftir í næst neðsta sæti og falla.