Almar og Sara hlutu Áslaugar- og Elfarsbikarinn

Lokahóf yngri flokka körfuknattleiksdeildar Njarðvíkur fór fram í Ljónagryfjunni fimmtudaginn 4. júní. Sara Björk Logadóttir hlaut Áslaugarbikarinn á hófinu og Almar Orri Jónsson hlaut Elfarsbikarinn.

Þjálfarar í hópunum veittu viðurkenningar en lokahófið var tvískipt, iðkendur í minnibolta 9 ára og yngri fengu viðurkenningarskjöl fyrir sinn dugnað í vetur. Í minnibolta 10 ára og eldri eða flokkum sem leika í Íslandsmóti voru veitt verðlaun fyrir mestu framfarir og mikilvægasta leikmanninn. Hér að neðan má sjá lista verðlaunahafanna.

Unglingaráð Körfuknattleiksdeildar bauð iðkendum og forráðamönnum þeirra til pylsuveislu í Ljónagryfjunni í boði Skólamatar sem fær kærar þakkir fyrir að styðja við lokahófið.

Iðkendum, forráðamönnum, þjálfurum, sjálfboðaliðum og samstarfsaðilum sendum við kærar þakkir fyrir tímabilið og hlökkum til að taka á móti iðkendum í sumaræfingar. Við hvetjum alla iðkendur til að vera dugleg að æfa sig í sumar og hlökkum til að taka á móti ykkur á nýrri leiktíð.

Áslaugarbikarinn 2026

Áslaugarbikarinn í ár hlýtur Sara Björk Logadóttir. Sara Björk er leikmaður meistaraflokks kvenna og 12.flokks kvenna hvar hún er á miðju ári. Sara Björk hefur verið lykilmaður Njarðvíkurliðsins í meistaraflokki síðustu tvö ár og fékk viðurkenningu fyrir mestu framfarir í meistaraflokki á lokahófi félagsins. Sara Björk er frábær alhliða leikmaður sem að hafði stórt hlutverk sérstaklega varnarlega í Njarðvíkurliðinu í vetur. Hún og samherjar hennar í meistaraflokki urðu Meistarar meistaranna í haust er þær sigruðu Hauka á Ásvöllum. Hún varð svo Bikarmeistari með 12.flokki kvenna í febrúar er stelpurnar sigruðu Val í úrslitaleik. Hún varð svo Íslandsmeistari með meistaraflokki á dögunum eftir 3-1 sigur gegn Haukum í úrslitaeinvígi og fylgdi því eftir með því að verða Íslandsmeistari í 12.flokki fjórum dögum síðar eftir úrslitaeinvígi gegn Val sem endaði 2-0. Sara hefur verið lykilmaður í yngri landsliðum Íslands og er hluti af bæði U18 og U20 landsliði kvenna sumarið 2026. Sara Björk æfir gríðarlega vel og hefur alltaf gert – hún er mikil fyrirmynd innan sem utan vallar.

Elfarsbikarinn 2026

Elfarsbikarinn í ár hlýtur Almar Orri Jónsson. En Almar er leikmaður 11., 12. ungmennaflokks og meistaraflokki félagsins. Hann var lykilmaður í öllum yngri flokkunum sem hann spilar með og átti margar stórleiki í vetur með öllum þessum flokkum. Þar má helst nefna þar sem hann skoraði yfir 50 stig með 11.flokki.

Almar steig einnig sín fyrstu skref í meistaraflokki í vetur, hann fékk fyrstu tækifærin sín á vellinum og stóð sig virkilega vel á æfingum með atvinnumönnunum. Almar er líkamlega sterkur og býr yfir miklum sprengikrafti, hann er klárlega tilbúinn að taka næsta skref með meistaraflokki á næsta vetri. Ef hann heldur rétt á spilunum gæti hann náð eins langt og hann vill, hann hefur öll tólin til þess. Almar æfir vel og er mikil fyrirmynd innan sem utan vallar.

Verðlaunahafar 2026 á lokahófi yngri flokka Körfuknattleiksdeildar Njarvíkur

1.deild kvenna – B lið – byggt á 10.-12.- og mfl kvenna
Mestu framfarir: Aníta Rut Helgadóttir
Mikilvægasti leikmaðurinn:  Kristín Björk Guðjónsdóttir

12.flokkur kvenna
Mestu framfarir:  Margrét Rós Vilhjálmsdóttir
Mikilvægasti leikmaðurinn:  Hulda María Agnarsdóttir

Ungmennaflokkur karla
Mestu framfarir:  Sigurður Magnússon
Mikilvægasti leikmaðurinn:  Brynjar Kári Gunnarsson

12. flokkur karla
Mestu framfarir:  Ómar Helgi Kárason
Mikilvægasti leikmaðurinn:  Almar Orri Jónsson

11.flokkur karla
Mestu framfarir: Logi Örn Logason
Mikilvægasti leikmaðurinn: Kristinn Einar Ingvason

10.flokkur karla
Mestu framfarir:  Orri Guðjónsson
Mikilvægasti leikmaðurinn:  Bergur Sigurþórsson

9.flokkur karla
Mestu framfarir:  Stefán Logi Agnarsson
Mikilvægasti leikmaðurinn:  Sigurbergur Jóhannsson

10.flokkur kvenna
Mestu framfarir:  Hugrún Kara Unndórsdóttir
Mikilvægasti leikmaðurinn:  Dagbjört Dóra Kristmannsdóttir

9.flokkur kvenna
Mestu framfarir:  Emma Ástrós Gunnarsdóttir
Mikilvægasti leikmaðurinn:  Harpa Rós Ívarsdóttir

8.flokkur karla
Mestu framfarir:  Guðni Freyr Geirdal
Mikilvægasti leikmaðurinn:  Arnór Darri Jónsson

7.flokkur karla
Mestu framfarir:  Jökull Aron Daníelsson
Mikilvægasti leikmaðurinn:  Alexander Emil Skúlason

8.flokkur kvenna

Mestu framfarir:  María Lilja Brynjarsdóttir
Mikilvægasti leikmaðurinn: Elísa Guðrún Guðnadóttir

7.flokkur kvenna
Mestu framfarir:  María Dís Jónsdóttir
Mikilvægasti leikmaðurinn:  Embla Rut Helgadóttir

Minnibolti 11 ára kvenna
Mestu framfarir:  Salka Karen Bjarnadóttir
Mikilvægasti leikmaðurinn:  Lillý Anna Wium Guðmundsdóttir

Minnibolti 11 ára karla
Mestu framfarir: Auðunn Örn Hilmarsson
Mikilvægasti leikmaðurinn:  Sigþór Birmingham

Minnibolti 10 ára karla
Mestu framfarir:  Ólafur Björn Jónsson
Mikilvægasti leikmaðurinn:  Róbert Daði Unndórsson

Minnibolti 10 ára kvenna
Mestu framfarir:  Erla Alexandersdóttir
Mikilvægasti leikmaðurinn:  Heiða Laufey Sævarsdóttir

Myndir/ JB