Flugger
Flugger

Fréttir

Suðurnesjamagasín áfram á vef Víkurfrétta
Ritstjórn
Ritstjórn skrifar
föstudaginn 31. mars 2023 kl. 18:15

Suðurnesjamagasín áfram á vef Víkurfrétta

Tímamót urðu í dag þegar sjónvarpsstöðin Hringbraut hætti starfsemi. Stöðin hefur verið heimili Suðurnesjamagasíns Víkurfrétta frá árinu 2016, þar sem þátturinn hefur verið vikulega á dagskrá. Þrátt fyrir lokun stöðvarinnar mun Suðurnesjamagasín áfram koma út og verður áfram á vef Víkurfrétta, vf.is, eins og verið hefur síðasta áratuginn.

Suðurnesjamagasín er á meðal eldri sjónvarpsþátta á Íslandi og hefur verið á dagskrá ÍNN og síðar Hringbrautar í tíu ár. Þættirnir eru orðnir 438 talsins og þá má nálgast þá alla á efnisveitunni Youtube, ásamt stökum innslögum úr hverjum þætti. Þar er einnig að finna þættina Suður með sjó, sem Víkurfréttir hafa framleitt.

Optical Studio - 7. júlí
Optical Studio - 7. júlí

Lokun Hringbrautar er óvænt og framundan er því það verkefni hjá okkur á Víkurfréttum að finna Suðurnesjamagasíni nýjan farveg til viðbótar því að vera á vef Víkurfrétta. Það verður því enginn þáttur í næstu viku en við tökum upp þráðinn að nýju eftir páska með nýjum þætti af Suðurnesjamagasíni.

Áfram veginn!