Skuggakosningar í fyrsta sinn í FS

Sjálfbærniráð Reykjanesbæjar fundaði nýverið um undirbúning sveitarstjórnarkosninga sem fram fara í vor. Helstu tíðindi fundarins eru þau að í fyrsta sinn verður efnt til skuggakosninga í Fjölbrautaskóla Suðurnesja til að efla lýðræðisvitund og þátttöku ungs fólks í bæjarfélaginu.

Á fundinn mættu fulltrúar frá ólíkum deildum bæjarins ásamt Kristjáni Ásmundssyni, skólameistara FS, til að ræða hvernig mætti vekja áhuga ungs fólks á kosningunum. Skólameistari tók vel í hugmyndina um skuggakosningar og er stefnt að því að þær fari fram í svokallaðri lýðræðisviku, dagana 22. til 29. apríl næstkomandi.

Auk skuggakosninganna var rætt um víðtækt samstarf við félagsmiðstöðina Fjörheima og markaðsdeild Reykjanesbæjar. Markmiðið er að tryggja að upplýsingar um kosningarnar og mikilvægi þeirra nái til allra íbúa, en sérstök áhersla verður lögð á fræðslu og kynningu í aðdraganda lýðræðisvikunnar.

Með því að halda skuggakosningar fá nemendur í FS tækifæri til að kynna sér flokka og málefni á raunverulegan hátt áður en haldið er til hinna eiginlegu kjörborða. Þetta framtak er liður í að efla samfélagslega ábyrgð og gefa unga fólkinu skýrari rödd í pólitískri umræðu í Reykjanesbæ.