Skora á bæjarstjórn Grindavíkur að halda íbúafund um endurreisnina

Grindvíkingar hafa óskað eftir íbúafundi til að fá frekari upplýsingar um endurreisn bæjarins. Þeir hafa sent bæjarstjórn áskorun um málið.

„Íbúafundur Grindvíkinga haldinn af Járngerði, samtökum íbúa í Grindavík í Gjánni 11 febrúar 2026 skorar á bæjarstjórn Grindavíkur að halda íbúafund sem fyrst til þess að upplýsa Grindvíkinga um hvaða vinna sé í gangi og hvað sé framundan í endurreisn bæjarins. Er jafnframt skorað á bæjarstjórn að boða á fundinn fulltrúa Þórkötlu, þingmenn kjördæmisins og annarra lykilaðila í endurreisn bæjarins.“