Lóð Njarðvíkurkirkju stækkuð fyrir framtíðarviðbyggingu
Skipulagsráð Reykjanesbæjar hefur samþykkt umsókn sóknarnefndar Njarðvíkurkirkju um stækkun á lóð kirkjunnar til móts við Brekkustíg. Ákvörðunin var tekin á 391. fundi ráðsins þann 19. júní sl.
Áform sóknarnefndarinnar ganga út á að nýta svæðið undir framtíðar viðbyggingu við kirkjuna, sem meðal annars mun hýsa safnaðarheimili og starfsmannaaðstöðu.
Í bókun skipulagsráðs kemur fram að lóðarstækkunin sé samþykkt en hún mun verða sveitarfélaginu að kostnaðarlausu.
