Gleðilega hinsegin daga: Regnbogafáninn við ráðhúsið á Tjarnargötu

Regnbogafáninn hefur verið dreginn að húni við Ráðhús Reykjanesbæjar á Tjarnargötu í tilefni hinsegin daga, líkt og venja hefur verið undanfarin ár.

Í tilkynningu frá sveitarfélaginu kemur fram að Reykjanesbær vilji vera samfélag þar sem allir eru velkomnir, njóta virðingar og geta verið þeir sjálfir.

Sérstök ástæða er til að fagna á Suðurnesjum því FS-ingurinn Guðjón Þorgils Kristjánsson flytur lag Hinsegin daga í ár. Reykjanesbær sendir Guðjóni Þorgils innilegar hamingjuóskir og óskar honum góðs gengis með flutninginn.