Bláa Lónið - 01apíl.
Bláa Lónið - 01apíl.

Mannlíf

Markaregn í miklu vatnsflóði á mölinni
Keflavíkurliðin æfðu og léku keppnisleiki á malarvellinum í Keflavík í mörg ár. Aðstæður voru misjafnar, oft leikið í snjó og rigningu. Stundum var völlurinn á floti eins og sjá má hér árið 1984.
Laugardagur 11. mars 2023 kl. 07:05

Markaregn í miklu vatnsflóði á mölinni

Kvennaknattspyrna 2. deild: Keflavík í 1. deild eftir 10:0 sigur á ÍR

Gamla myndin og fréttin

Fimmtudagur 16. ágúst 1984

Það er óhætt að segja að stelpurnar í Keflavík hafi tekið 2. deildina með trompi nú í sumar. Það var fyrst í fyrra sem tekið var til við að æfa knattspyrnu af kappi í kvennaflokki ÍBK. Í sumar hefur svo verið æft stíft og árangurinn ekki látið á sér standa.

Stelpurnar sem flestar eru ungar að aldri, hafa ekki tapað leik í sumar og einungis einn leikur hefur endað með jafntefli. Í síðasta leik sínum, sem háður var í liðinni viku, sigruðu stelpurnar ÍR með 10 mörkum gegn engu. Leikurinn fór fram í miklu vatnsflóði, en stelpurnar létu það lítt á sig fá og léku af öryggi. Mörkin skoruðu Guðlaug Sveins 4, Anna Gunnars 2, Björg Hafsteins 2, Íris Ástþórs 1 úr víti og María Guðmunda Jónasdóttir 1.

Public deli
Public deli

Sem sagt markaregn í grenjandi rigningu. Stelpurnar tryggðu sér með þessum sigri þátttökurétt í 1. deild á næsta ári. Þar mun róðurinn eflaust verða erfiður, en ef áfram er haldið af sama kappi og hingað til mun árangurinn ekki láta á sér standa. Hér eru Íslandsmeistaraefni á ferðinni, svo mikið er víst. - gæi.