Viktor Berg í sérflokki á Norðurlandamótinu
Keflvíkingar stóðu sig mjög vel á Norðurlandamótinu í taekwondo en það var haldið í Skanderborg Danmörku. Keppendur voru tæplega 600 keppendur á mótinu frá öllum Norðurlöndunum.
Taekwondo deild Keflavíkur sendi 10 keppendur á mótið og árangurinn var eftirfarandi:
Viktor Berg Stefánsson fékk gull í -37 kg flokki drengja 12-14 ára og varð því Norðurlandameistari. Hann vann þrjá bardaga og var í sérflokki á þessu móti.
Oliwia Waszkiewicz fékk silfur í -63 kg stúlkna 15-17 ára.
Amir Maron Ninir fékk silfur í -80 kg flokki karla 18+.
Þorsteinn Helgi Atlason fékk brons í -87 kg flokki karla 18+.
Ragnar Zihan Liu fékk brons í -63 kg flokki drengja 15-17 ára.
Íslenska liðið varð í 2. sæti í heildarliðakeppninu á mótinu. Keppendur frá Íslandi í bardaga voru frá Keflavík, Selfossi, Björk, Mudo og KR.
