Sölvi Snær genginn í raðir KR

Knattspyrnumaðurinn efnilegi Sölvi Snær Ásgeirsson er genginn í raðir KR frá Grindavík.

Sölvi, sem er 18 ára gamall varnarmaður, skrifaði undir fjögurra og hálfs árs samning við Vesturbæjarfélagið.

Þrátt fyrir ungan aldur á Sölvi Snær þegar að baki dýrmæta reynslu:

• 25 leiki fyrir meistaraflokk Grindavíkur.

• 13 landsleiki fyrir yngri landslið Íslands, þar sem hann hefur skorað 2 mörk.

Í tilkynningu frá KR er Sölvi boðinn velkominn í KR-heimilið á Meistaravöllum, auk þess sem Grindvíkingum er þakkað fyrir fagmannleg vinnubrögð við félagsskiptin.