Skólamatur ehf. átti eina tilboðið í skólamáltíðir í Suðurnesjabæ
Skólamatur ehf. átti eina tilboðið í útboði Suðurnesjabæjar um innkaup á skólamáltíðum, en tilboðsfrestur rann út þann 22. júlí sl.
Heildartilboðsverð Skólamatar samkvæmt opnunarskýrslu nemur 118.737.400 krónum.
Niðurstöður útboðsins voru kynntar á fundi bæjarráðs Suðurnesjabæjar þar sem samþykkt var samhljóða að fela bæjarstjóra að fylgja málinu eftir og genga frá samningi, að því gefnu að tilboðið uppfylli allar kröfur og skilmála útboðsgagna.
