Sætur sigur Reynismanna á Sindra í 3. deild karla

Reynismenn í Sandgerði tóku á móti Sindra frá Hornafirði á frábærum Brons-velli sínum í Sandgerði í kvöld í blíðskaparveðri. Eftir að allt stefndi í jafntefli náðu Reynismenn að skora sigurmarkið í 3-2 sigri og því eru þeir áfram í baráttunni um að komast upp þó nokkuð sé í toppliðin í deildinni.

Víkurfréttir mættu á leikinn og tóku viðtöl við aðstoðarþjálfara beggja liða og sitthvoran leikmanninn. Nýlunda má segja en þar sem aðstoðarþjálfari Sindra er Grindvíkingur og sonur hans í Sindra-liðinu, var tekinn þessi póll í hæðina.