Keflavík sótti sigur til Þorlákshafnar

Keflvíkingar sóttu tuttugu stiga sigur til Þorlákshafnar í Bónus deild karla í körfubolta í dag en Þórsarar hafa alltaf verið erfiðir heima að sækja. Lokatölur 78-98 fyrir Keflavík sem er komið í 4.-5. sæti deildarinnar, tveimur stigum á eftir liðunum í 2.-3. sæti.

Heimamenn byrjuðu leikinn betur og voru í forystu eftir tvo fyrstu leikhlutans, leiddu í hálfleik 51-42.

Keflvíkingar tóku hins vegar seinni hálfleikinn með miklum yfirburðum og í lokin munaði tuttugu stigum. Keflvíkingar mæta því heitir í bikarundanúrslit næsta þriðjudag gegn Stjörnunni.

Craig Moller og Remy Martin skoruðu hvor 21 stig og voru atkvæðamestir í skorun hjá Keflavík.

Stjarnan, mótherjar Keflavíkur í bikarnum unnu á sama tíma stórsigur á Tindastóli 125-87.

Þór Þ.-Keflavík 78-98 (29-24, 22-18, 12-23, 15-33)

Þór Þ.: Jacoby Ross 22, Djordje Dzeletovic 21/5 fráköst, Lazar Lugic 15/11 fráköst, Rafail Lanaras 14/7 fráköst/8 stoðsendingar, Emil Karel Einarsson 3/5 fráköst, Skarphéðinn Árni Þorbergsson 3, Tristan Alexander Szmiedowicz 0, Davíð Arnar Ágústsson 0, Baldur Böðvar Torfason 0, Arnór Daði Sigurbergsson 0, Matthías Geir Gunnarsson 0, Ísak Júlíus Perdue 0/4 fráköst.
Keflavík: Craig Edward Moller 21/11 fráköst, Remy Martin 21/4 fráköst, Mirza Bulic 17/8 fráköst, Jaka Brodnik 12, Egor Koulechov 9/9 fráköst, Halldór Garðar Hermannsson 6/5 stoðsendingar, Ólafur Björn Gunnlaugsson 5, Hilmar Pétursson 3, Eyþór Lár Bárðarson 2, Nikola Orelj 2, Frosti Sigurðarson 0, Daniel Eric Ottesen Clarke 0.