Grindvíkingar tryggðu sér toppsætið

Grindvíkingar tryggðu sér deildarmeistaratitil Bónus deildar karla í körfubolta þegar þeir sigruðu Stjörnuna á heimavelli í spennandi leik í gærkvöldi. Lokatölur urðu 94-88.

Það voru þó gestirnir úr Garðabæ sem byrjuðu miklu betur og leiddu með ellefu stigum eftir fyrsta leikhluta. Heimamenn náðu að jafnaleikinn og í hálfleik var Stjarnan með níu stiga forskot.

Í síðari hálfleik komu Grindvíkingar miklu sterkari til leiks og unnu báða leikhlutana sannfærandi og leikinn að lokum með sex stigum.

Deandre Kane og Daniel Mortensen voru stigahæstir hjá heimamönnum.

Línur eru nú að skýrast fyrir úrslitakeppni sem hefst í lok mánaðar. Spennan er mikil í neðri hlutanum því ÍR, Njarðvík og Álftanes berjast um 7. og 8. sætið. Grindavík er öruggt á toppnum og Keflavík siglir lygnan sjó um miðja deild.

Grindavík-Stjarnan 94-88 (19-30, 25-23, 25-18, 25-17)

Grindavík: Deandre Donte Kane 26/8 fráköst/6 stolnir, Daniel Mortensen 22/5 stoðsendingar, Jeremy Raymon Pargo 17/6 fráköst/7 stoðsendingar, Jordan Semple 14/15 fráköst, Ólafur Ólafsson 12/4 fráköst, Valur Orri Valsson 3, Ragnar Örn Bragason 0, Patrekur Atlason 0, Alexander Veigar Þorvaldsson 0, Unnsteinn Rúnar Kárason 0, Nökkvi Már Nökkvason 0, Kristófer Breki Gylfason 0.

Stjarnan: Luka Gasic 26/7 fráköst, Seth Christian LeDay 25/9 fráköst, Hilmar Smári Henningsson 14/6 fráköst/5 stoðsendingar, Pablo Cesar Bertone 10/4 fráköst, Ægir Þór Steinarsson 8/6 fráköst/7 stoðsendingar, Giannis Agravanis 3/4 fráköst, Bjarni Guðmann Jónson 2, Viktor Jónas Lúðvíksson 0, Atli Hrafn Hjartarson 0, Jakob Kári Leifsson 0, Aron Kristian Jónasson 0, Steinar Rafn Rafnarsson 0.
Dómarar: Sigmundur Már Herbertsson, Jón Þór Eyþórsson, Bjarni Hlíðkvist Kristmarsson
Áhorfendur: 467


Staða:
1       Grindavík       20      17      3       1868    -       1765    34
2       Stjarnan        20      14      6       2086    -       1863    28
3       Tindastóll      19      14      5       1921    -       1729    28
4       Valur   20      13      7       1822    -       1801    26
5       KR      20      12      8       1996    -       1901    24
6       Keflavík        20      11      9       1914    -       1847    22
7       ÍR      20      9       11      1811    -       1823    18
8       Njarðvík        20      8       12      1942    -       1932    16
9       Álftanes        20      7       13      1815    -       1821    14
10      Ármann  20      5       15      1723    -       2001    10
11      Þór Þ.  20      5       15      1756    -       1945    10
12      ÍA      19      4       15      1658    -       1884    8